آه وا ويلاه من عم ظلوم **** بعد ما ابوي رقد تحت التراب
القمر لا غاب ما تفيد النجوم **** وعسى بيت عقب عمره خراب
كيف ابهجع واهتني في حل نوم **** وامسح دموع مثل طش السحاب
بعد ما حكمي على اسرتنا عموم **** صرت انا بعيونهم مثل الذباب
ارتدي للمدرسه برد الهدوم **** بنت عمي ترتدي اغلى الثياب
وان طلبته حاجة فيها لزوم **** صد عني دون يعطيني جواب
طال همي واغتيابي واللجوم **** آه يا دنيا التعاسه والعذاب
مرحبا يا قبر في كف الرحوب **** وعسى يجزاه ربي بالثواب
ليت من قبره ولو ساعه يقوم **** يشهد اللي صابني بعز الشباب
فوق ما عندي من احزان وهموم **** جوزوني شايب غدر الثياب
الدقيقه كنها تسعين يوم **** ليت من يرقد معاه تحت التراب
السبت سبتمبر 22, 2012 9:22 am من طرف 
